wlh ki kiyaye ni.

Kallonsu zainab tayi cikin takaici tace"

Dan Allah baba karku fara fada tun yanxu akan arzikinda ko samunsa baayiba tukuna.
#MAMUH

*_Mamuhgee18_*
Fusgar iska yayi ya sake ficewa Yana hura hanci duk da cikin ransa yaji Dan dama dama na ganin gararda zai fara kwasa a kwanakin musamman ma da idanuwansa Suka qyallo masa kiret din kwai da doya da dankalin turawa jiyayi wata Yar dariya na neman subuce masa ya dauke Kai tareda tamke fuska ya fice Yana cewa"

Wannan Yar baqin cikin batason naci wannan kayan ai wlh Saidai kowa ya rasa muguwar tsohuwa.

Cikin dakin Suka shigarda abincin suka jera inda yace a ajiye Suka fice.

Harta rufo dakin zata shiga cikin gida Nanu yadawo riqeda wata ledar ya miqa Mata yace"

Sarki yace kiyi abinci.

Karba tayi tayo cikin gida zainab tayi saurin karbar ledar tareda budewa ta zaro ido ganin Naman kajine masu qanqara da kayan Miya.

Wata gudar jin dadi iya talatu tasaki tareda miqewa ta sauke tukunyar tuwon gari datayi niyar dafawa tana cewa"

Yau dau allah yayi wahalata taqare zanfaraci daga Zaki Kuma daga 'yaya.

Itadai Nadiya Babu wani dogon farin ciki ko murna atareda ita sbd tsoron karta dafa tayi masa ba daidaiba dukda dai ta iya girki sosai tunda itakeyi na gidan tun batai hakaba.

Jiki sanyaye tafara wanke kayan miyar da Naman
zainab kuma ta hada rishon tazuba kalanzir da aka kawo dashi cikeda galan.

Iya talatu daki tashiga ta dauko Mata tukunyoyinta guda biyu sabbi data siya Mata na aurenta da Bello dabaayiba ta miqa Mata tareda kula Mai guda uku da plate biyu sai Kofi uku da cokali biyar duka sabbi Saidai bawai masu tsada bane kawai dai Babu laifi.

Zainab ba wata gwanar aiki bace Saidai fira datake taya nadiyar dashi harta gama abincin,

Tuwo tayi na shinkafa da miyar busashen ku6ewa dataji Naman kajin gidan har wani qamshi yakeyi har maqota
Dattiya daya fesawa idi Suka kasa Suka tsare a majalisarsu ta dattijan anguwa suna jiran dare yayi suje suci banza Dan kuwa shima idi cewa yayi wlh daga yau tareda dattiyan zasu riqa ci tunda ai tare sukeshan wuyarsa idan yatashi Rashin mutuncinsa akansu.

A sabuwar kula zainab ta dibarwa zakin komai aka goge aka Kai masa daki tareda plates din da sabbin cups dinta.

Iya talatu harna dumame ta Diba a qaton kwanonta tashigewarta daki.

Babansu ma cika masa wata tsohuwar kula sukayi kafin Suka zauna sukaci nasu zainab tabar gurin
Itakuma ta dauki rushon tashigar tsohon dakinta tareda galan din keron ta fito ta tattara gurin ta share gidan tas Takoma ta sharo dakinsu tazo tadibi ruwa tashiga wanka.

Tana fitowa tayi alwala ta nufi daki.

Komai Bata shafaba bayan spray dinda ya siyo Mata Wanda shima yakusa qarewa ta saka bra saita maida zaninta iya qugu tafara neman rigarda zata saka sai kawai taji shigowarsa gashi akwai nepa.

A rikice ta miqe tsaye jikinta na rawa sbd tsananin kunya da fargabar yanda take din.

Aka bra dinta data 'dan yi Mata kadan qirjinta sun fito ta gaban idanuwansa Suka sauka atake ya dauke Kai Yana daure fuska musamman dayaji maqoshinsa yawu na neman qin wucewa.

Hijab ta fizga da sauri tasaka tareda durqusawa ta dauki rigar dake Daman kayanta kawai tafara qoqarin zurawa.

Zama yayi bakin katifata tareda kunna wayarsa Yana latsawa sai kawai yaga yama rasa Mai zaiyi ya miqe tareda sakin tsaki yayi wurgi da wayar Yana cewa"

Ke bani abinci.

Aje hijabinta tayi bayan tagama saka doguwar rigar bacci har qasa Mai kauri ta nufi kulolin takawo gabansa tareda plate da spoon.

Koda yaga tuwo ne bai wani damuba Dan dama shi bazai iya tuna yaushe rabanda yaci tuwaba arayuwarsa tun bayan rasuwar mahaifiyarsa.

Sanin baya mugun ci yasa tazuma masa daidai yanda tasaba ta miqa masa.

Ba laifi yaji dadin abincin Saidai Sam bayason yaji ko kadan can qasan maqoshi yace"

Karki Kara saka yaji abinci wuwuyar yarinya kawai.

Ruwa daya ta dauko takawo masa ta tayarda sallar magriba da akayi tun dazu.

Tana Gama sallah ta tattara gurin ta fita da kayan takai tsohon dakinta inda ta ajiye risho.

Kodata dawo Yana kwance ya rufe idanuwansa kamar mai bacci sai kawai ta zauna itama tana shafawa qafafuwanta Mai sbd akwai sanyi sosai.

Su dattiya kuwa koda Suka zauna cin abinci Babu Wanda Wai washe dukkanin haqoran da Allah yayi masaba shida mal idi sbd farin ciki mal idi yace"

Yaushe rabo""""

Cinyar kaza dattiya yakai baki Yana cewa"

Eh ai wahalarmu ce zamu rage anan tunda Allah ne kawai yasan iya hasarar daya goga Mana.

Mal idi da kunnuwansa sukai wata rawar da'din miyar da Naman yace"

Wlh mudai wannan Abu gwara da akayi,
Wata gararma sai Abu yayi nisa qilamafa ayi maka sarkin maroqa kaga ni Kuma mataimakinka ko.

Wani murmushin Jin dadi dattiyan yayi Yana cewa"

Hmm ranarda akamin wannan sarautar ai kaima kasan Banda wani mataimaki bayai Kai.

Iya talatu dake jinsu a tsakar gidan tace"

Allah dai ya shirya wainnan masu mutuwar zuciyar.


Washe gari tunda wuri ta tashi tahau aikin gidan tadora ruwan zafi ta cika masa flask tadawo tahau aikin yimasa breakfast lokacin Yana ciki Yana motsa jikin daya Saba.

Doya ta soya masa da kwai Wanda zainab ce take qara nuna Mata yanda akeyi harsuka Gama ta adibar masa nasa takai masa lokacin Yana gurin wanka tana cikin gyaran dakin yashigo tana gamawa ta fice Dan zuwa wanke wanke.

Yana gama cin abinci ya fita.

Sai bayan azahar tsamu ayyuka suka rage Mata tayi wanka tayi sallah ko hutawa batayiba iya talatu takirata suka hau wani aikin.

Da daddare kodata kwanta jikinta har wani ciwo yakeyi sbd wahala Dan aiki Kam yayi Mata yawa fiyeda da can.

Duniya sabuwa aka bude a cikin gidan sbd cima Kam yanzu ansamu safe Rana dare Kuma lafiyayyan abinci sukeci wani lokacin saiyanajin takaicin yanda tun farko baya Basu abinci tunda yanada halin hakan wata qilama hakan da tuni yasa kawun ya daina yawon ta zubar dinsa.

Dattiya kuwa yanzu da aka bude Jin dadi sabo duk inda yake lokacin cin abinci nayi to Yana gida Dan kuwa yanxu wani lokacin idan yaci yaji yayi nas har wata kasalar futa yawon maula yakeji saiyayi zamansa Yana Shan iska Yana sakatar haqori cikin wata irin Isa Yana hura hanci.

Zainab ma ba laifi ta 'dan rage yawo sbd ganin kusan abinda takewa yawon yanzu suna samu a gidansu Dan dama yunwa ce kesata yawon batanan batacan.

Nadiya kuwa yanxu Kam tafara zama abin tausayi sbd duk wata wahala tana cikinta Dan kaf gidan aikinsu suci su qoshi ne kawai duk wata wahala ta gidan ita keyi,

Ko cokali Babu Mai iya dagawa sai itace keyi gashi sanyi yashigo sosai sai abin yafara tabata Dan kuwa kumburi tafarayi sbd sanyi dayayi Mata mummunan kamu yatsar qafafuwanta har wani yankewa sukayi sbd aikin ruwa da sanyi.

Gashi bikin Yaya dahiru yazo sosai ake hidimar biki a gidan sai abun ya ninkar Mata ko zama batayi idan gari ya waye sai dare idan ta kwanta tayita juye juye sbd ciwon jiki da qirji.

Yana lureda ita duk baqar wahalarda takesha idan tazo da dare tanata murqususu sai abin ya ringa qular dashi Amma dai ya qyale yaqi Mata magana.

Abinda yabawa kowa mamaki shine kayanda ya dinka Mata a dinkensu masu 'yar tsada har kala biyar Wainda aka dinko daidai jikinta har zainab na tsokanarta da cewa"

Lallai Yaya Zaki har hannuwansa sun haddace girman komai na jikinki..

Rintse ido tayi da sauri tareda barin gurin zainba din tana saka kayan cikin kayanta Suka fito tana cigaba da tsokanarta.

Ranarda akayi biki aranar da daddare kasa bacci tayi tafara juye juye dafe da qirjinta tana hawaye cikin tsananin azaba ga tarinda takeyi mai tsananin zafi a maqoshinta Wanda shiyasa tafara Yi kamar zata fice hayyacinta.
#MAMUH.

_*Mamuhgee 19*_
Jin nishinta da motsin data daina yasashi daukar wayarsa ya kunna fitila ya haskata,

A miqe take jikinta gabaki daya ya saki ta daina motsi sai bakinta dake budewa alamar tanason Jan numfashi Amma takasa.

Aje wayar yayi lokaci guda ya isa gurinta tareda cirota da sauri ya Dora kan katifa Yana Kiran sunanta tareda 'dan jijjiga fuskarta Yana kallonta cikin tashin hankali Saidai Yana qoqarin dannewa.

Sakewa jikinta yaqarasayi numfashinta ya tsaya cak.

Wannan karon da qarfi ya girgizata Amma Sam tariga ta some batasan yanayiba.

Bai tsaya komaiba ya dauketa tareda wayarsa da key din mota da atm ya fito Yana kallon fuskarta yanaji kamar zuciyarsa zata buga.

Qafa yasa yayi kyauren fita gida shuri 'daya take qofar tabude ya fice baiko tsaya nemansu nanuba ya nufi motarsu dake pake gurin masallaci ya bude da hannu daya yasakata.

Yana qoqarin shigane Nanu yafito riqeda fitila da wata sharbebiyar Adda tana kyalli cikin duhun sbd motsinda yajiyo.

Ganin mutum na qoqarin shiga motarsu yasa ya Dalla fitila ga mamakinsa yaga Zaki da sauri ta qaraso Yana cewa"

Sarki matsala ce????

Batareda ya kallesaba yafara qoqarin shiga motar
Nanu yayi saurin cewa"

Sarki kawo naja kamar zaifi saika kulada ita a bayan.

Miqa masa key yayi sbd bayason doguwar hayaniyarda zata tayarda mutane suka bar gurin suna Hawa titi Nanu yabata wata irin wuta na mugun gudu.

Dattiya dayaji anyiwa qofar gidan mugun bugu cikin bacci yayi mugun zabura tareda lalubar fitilarsa Yana qoqarin kunnawa Amma taqi kunnuwa.

Ahankali ya miqe tsaye tareda nufar qofa Yana tafiya ahankali.

Bude qofar dakin yayi yafito yanabin bango atake qirjinsa yayi mugun bugawa lokacinda ya hango qofar gidan a wangale
Wani mugun zufane ya karyo masa yadawo daki da sauri qafafuwansa na mugun rawa yasawa qofar dakin sakata yafara lalubar inda talatu take.

Da Dan qarfi ya buga qafarta ta zabura tana cewa"

Wayyo Allah innalillahi.

Wani sabon zufane ya gangaro masa ya bude baki qasa qasa yace"

Talatu yau ranar rabuwarmu tazo wlh barayine Suka shigo Kuma tunda kikaji tsit wlh sungama kashesu Zaki Ni wlh bantara komaiba ahaka nazo duniya ahaka zankoma yau mutuwar wulaqanci zamuyi Dan wlh kashemu zasuyi tunda bamuda abun Basu....

Yana kaiwa nan sai kawai muryarsa ta fara rawar kuka yanason dannewa.

Iya talatu kuwa kuka take sosai harda shesheka tana tuna irin rayuwarda sukayi a baya tanajin tausayin zasu mutu yau wace irin rayuwa zasu tarar.

Har akayi Kiran asuba suna zaune suna jiran tsammani zuwa lokacin tuni idanuwan iya talatu sukayi luhu luhu sbd kuka dattiya ma yayi sharben hawaye harya gaji.

Saidaya tabbatarda anfito masallaci har gari yafara Dan washewa kafin ya bude daki ya leqo Yana qwalawa zainab Kira.

Cikin maganin bacci ta fito tana amsawa.

Yana ganin haka saiya qarasa fitowa Yana goge zufa ya daure fuska yace"

Waike Sam bakya tashi sallah kan lokaci ko??kullum Saidai baccin lalaci maza wuce kije kiyi sallah kafin na fasa bakinki a gurin.

Wucewa tayi tana murza ido tana Dan tura baki.

Shima a dubarance yayi alwalar dan karta gane shima baiyiba yakoma daki ya tayarda sallah iya talatu ma said lokacin ta fito tayi alwala Takoma yin sallah.


Suna isa asibiti a gaggauce aka karbeta sbd yanda jikinta yayi sanyi sosai kamar zata sandare Dan tuni ta miqe kamar bazata iya lanqwasuwaba.

Likitocin dake on call (NIGHT DUTY) suna ganinta Suka gano abinda ke damunta Dan kuwa data Jima ahaka to shikenan za'a iya rasabata dankuwa zata iya mutuwa abinda yaji likitocin na fada kenan kafin ace yafito.


Zama yayi kan waiting kujerar dake bakin gurin tareda Dan rintse idanuwansa ya fitarda numfashi Mai qarshi idanuwansa na kadawa zuwa ja sbd bacin Rai da tension.

Nanu dayaga yanayinsha Saida yasha jinin jikinsa Yana zazzare ido a qofar Yana fatar kar abinda yasamu nadiyar sbd sarkinsu.

Saida gari yayi haske sosai har lokaci yaja guraren qarfe takwas wata nurse tafito tazo gaban zakin tace"

Bismillah Dr na son ganinka.

Miqewa yayi yashiga cikin dakin
Yana shiga saidayaji wani irin zafi ya daki fuskarsa sbd dakin ya dauki dumi sosai anrufe windows ansaki labulayensu sun kunna na'urar dumama daki sunkai kusan qarshe Wanda hakan yasa jikin nadiyar yafara sakewa daga sandarewar dayayi sbd sanyi daya shiga qashinta sosai.

Kallon Dr dake rubutu a file dinda aka bude Mata yayi batareda ya kalli inda take kwance ba Yana sauraran bayanin dazai masa.

Saida Dr yagama rubutu kafin ya miqawa nurse file din yace"

I've written all the drugs + the injection dazaki Mata immediately after her plasiadmin so just write and give him duka abinda zaisiyo.

juyowo yayi ya fuskanci zakin tareda Dan juyawa ya kalli nadiyan cikin yanayi na damuwar halinda nadiyar ke ciki Dr din yace??????????????????????????????????????????????????????????????????????????????????????????????????????????????????????????????????
"

Maganar gskia yarinyarnan wahalace da sanyi suke neman yimata illa sbd sanyi yashiga jikinta sosai harya kama qashin gefe gefen cikinta wanda Kuma tarinsa ke yagar maqoshinta Wanda yake tashe.,

Saikuma qashin bayanta dake neman 'dan lanqwasawa sbd aikin wahala.,

Ataqaice da gskia tana cikin tsananin hali na cutar sanyi dakeson kamata gabaki dayanta,

Sannan bakwa ganin yanda aiki da ruwan zanyi duk ya yayyanke Mata qafafuwa Amma Sam bakuyi tunanin zuwa asibiti da wuriba shiyasa wasu qwayoyin cutar sukaita shigarta ta nan.

To yanxu dai gashinan munyi duk abinda yakamata muyi Dan ceto rayuwarta Kuma alhmdllh gatanan she's stable now Amma zamu riqeta tsawon kwana biyu harsaita qara zama stable nurse zata baka takardar abinda za'a siya, Allah ya sauwaqe.

Rabasa yayi zai wuce cikin shaqewar murya zakin yace"

Shi toshewar moqoshin akwai mafitarsa????

Tsayawa Dr din yayi tareda juyowa yace"

Eh kala kala ne akwai Mai warkewa akwai Wanda baya warkewa nata yanxu bamusan wane iri bane tukuna sai munyi Mata hotuna da awo zamu iya ganewa.

Gyara tsayuwa zakin yayi suna fuskantar juna da Dr yace"

Yaushe yakamata afara wainnan.???

Duk lokacinda ka shirya zamu komai Saidai Banda yanxu saita warke ko zamu fara Mata na wannan fannin so inaga mu Bari zuwa kamar qarshen watan nan Dan zuwa lokacin duka drugs dinta tagama shansu.

Ok thanks""zakin yafada Wanda yasa Dr sake kallonsa sbd izzarsa da cika idonsa ga tsare gida dayayi yasa Bai masa masifa sosaiba akan halinda nadiyar ke ciki Dan ta basa tausayi matuqa yarinyar dama shi mutum ne Mai matuqar tausayi.

Qofarda Dr yarufo bayan fitarsa ya dade Yana kallo kafin ya juyo ahankali ya kurawa gadon datake kwance ido.

Yaune Rana ta farko a rayuwarsa daya yake Mata kallon tsaf tun daga kanta har qafafunta.

Kwance take miqe andaura Mata ruwa sai qafafuwanta da aka dannade gurin yatsin qafarta da bandages,

Doguwar rigar data Saba bacci da itace ta kode ta wande sbd wanki da tsufa.,

Fuskarta fayau Babu komai sai uwar rama da duhun datayi sai kanta dake kwance sbd zainab data saka Mata relaxer Dan Dole sbd bikin Yaya dahiru Saidai tun ranarda akayi Mata taba sake warware shiba tasake gyarawa Dan tanada cika da tsawon gashi ba laifi.

Sarqewa numfashinsa yafarayi ya dauke ido daga kanta yanajin wani irin zafi da tiririn zuciya na cinsa Dan da akwai inda zai sauke abinda yakeji na zafi a ransa da sunga balai da masifarsa Basu taba jiba.

Dama nurse ta bar masa takarda tun suna mgn da Dr tafice.

Daukar takardar yayi ya fito fuskarnan yau tafi tako yaushe Rashin annuri
Nanu yataso da sauri Yana masa maganar jikin nadiyar.

Takardar ya miqa masa tareda ATM dinsa kawai ya juya ya koma batareda yace komaiba.

Da sauri Nanu ya juya ya nufi pharmacy yafarajin kudin tukuna kafin yaje yaciro Dan akwaima atm jikin pharmacy na asibitin.

Zama yayi kan kujerar dakin dake nesa da gado ya Dora qafa daya Kam daya tareda rintse idanuwansa dasukai ja ya juya maganar Dr a zuciyarsa gameda maqoshinta na Rashin mgnarta.

Har lokacin sallar azahar suna asibiti sai bayan dasukayi sallah yadawo gida yashiga dakinsa ya zauna tareda dafe Kai Yana furzarda numfashi Jin kansa Kai zai buga sbd tunani da ciwo.


Cikin gidan kuwa da hankalinsu yatashi Rashin ganin Nadiya da zakin gakuma anyita dubowa basanan sai hankalinsu yatashi musamman da dattiya ya rafka mugun tagumi yace"

Dama nasan barayin jiya da dare bazasu shigo su tafi lami ba
Shikenan sun daukemin 'yaya wlh kashesu zasuyi..
Take idanuwansa Suka cicciko.

Zainab madai tayi kuka har idanuwanta sun kumbura hakama iya talatu sbd duk da halayensu suke a wani irin barkace suna so da qaunar junansu zuri'ar ta dattiya.

Take zance ya bazu sai zuwa jajentawa akeyi.

Ana haka zakin yadawo bayan qarfe biyu harda rabi.

Nan dattiya ya taso haryana neman faduwa ya nufi dakin zakin Saidai a yanayinsa yagansa saiyaji duk baiji dadiba Rashin ganin Nadiya atareda Zaki saiyaji qafafunsa na neman gazawa murya na 'dan sanyi yace"

Ina 'yata???
Ina kabaromin ita????

Baison hayaniya shiyasa Kai tsaye batareda ya dagoba yace"

Tana asibiti batada lafiya.

Wata ajiyar zuciya dattiyan ya sake sbd sai lokacin yaji hankalinsa ya kwanta ya juya cikin gida ya sanarwa iya talatu kafin ya azalzali zainab data shirya suje asibitin ta zauna da nadiyar.

Bai tsaya sauraren tension dinda kawun zai iya qara masaba yace Nanu yakaisu asibitin yadawowarsa.

Aikuwa Yana kaisu yadawo,
Koda sukaje ta har lokacin Bata farfadoba sbd kosu kansu likitoci basaso ta farka yanxu sai bayan 24hrs jikinta yagama samun isashen hutu da dumamawar dasukeson yasamu.
#MAMUH.
*_Mamuhgee20_*
Baban dashi aka yini asibiti Dan kuwa sosai zuciyarsa tayi rauni da ganin halinda 'yarsa ke ciki shidai allah yasani duk duniya Babu abinda dai yake so kamar nadiya shiyasama duk wani Abu daya danganceta yake zarewa yayita masifa tuburan akanta.,

Akaro na farko dayaji jikinsa yayi sanyi daga alamarin aurenta da Zaki musamman ma dayaga asibitin daya kawota gashi komai tsada ga kudi dayake kashewa sosai akanta da duk lalurar asibitin,

Tunda ta farfado itama kowa ke lallabata tsakanin zainab da baban hakama iya talatu idan tazo,
Yaya dahiru da amaryarsama kullum saisunzo da daddare dubata,

Taji jiki sosai Saidai alhmdllh cikin kwana biyar sauqi yafara zuwar Mata sosai Saidai qafafuwanta datakejin azabar takawa Dan kullum saisun warware bandage din sunwanke qafar sun canza Mata wani.

Zainab ce take kwana agurinta shiyasa take Dan sakewa Amma idan yazo zainab guduwa gida takeyi ta Dan huta.

Tsakaninsu dai Yanda nan yanda suke banbancin shine yanxu Yana zuba mata fararen idanuwansa dake dawo da zazzabinta musamman da yanzu kayanta daya siyo Mata na jinyar kusan dogayen riguna ne Amma marasa wani nauyi sai lafewa ajiki gashi Sam sallah kawai ke hadata da hijib zainab daukewa takeyi.

Yauma dagashi zai itane a dakin zainab ta gudu.

Gashinta daya tarar zainab na gyara Mata ya kalla yaga yanda yakeda tsawo andaure Mata da band gashi sosai tayi wani irin haske na alamar tana jinya ya sake kallon dogon wuyanta zuwa qirjinta dake sama Yana qasa sbd numfashinta.

Dauke Kai ganin tanata wani mutsu nutsu alamar wani Abu ya gyara tsayuwa tareda zuba hannuwansa a aljihun wandonsa fuska ba sakewa yace"

Kinyi sallah???

Girgiza Kai tayi tana sunkuyar dakai.

Ya Dade shiru cikin takaicin zainab data tafi batareda ta tsaya yin abinda yakamata dinba gashi yanzu baisan uwarda zai musu ba.

Ganinsa kawai tayi a gabanta tayi saurin dagowa idanuwansu suka shiga na juna