har cikin kasarsu, kuma cikin gidansu, ya kuma ɗauki ƴar uwarsu da suka rufe tsawon shekaru, kuma a gaban idanunsu, ya kuma sa kafa ya fita, ba yanda suka iya da shi, wato a duniya idan kai wani nema fa ka ji daɗi, idan kana da goyon bayan manya daga sama ba abin da ba zaka aikata ba, kuma ka zauna lafiya, Allah ya yi wa dukkanin musulman duniya bakiɗaya arziki mai albarka mai kuma amfani.

Koda bodyguards na gidan suka gansu, ko sannu basu ce musu ba, dan sun ga da ɗan gida suke tare, ga kuma Naurat, sai dai abin mamaki Alex ya kasa iya gayawa bodyguards ɗin abin da yake faruwa a cikin gida dan su hana su Lion fita, ya rasa ya akayi bakinsa ta yi mishi muguwar nauyi.

A takaice dai haka suka sake fita daga gidan cikin waƴan nan motocin da suka zo ɗin, suka koma cikin jirgin ruwansu.

Ba ɓata lokaci suka ɗauki hanyar komawa gida. Naurat a ɗakinsu ta zauna, dan ya kula da ita, yana jin tsantar kaunarta a ransa.

After some hours. Bayan sun kama hanyar ne, jirgin ruwan nasu ya tashi, a nan ne yasa Mark ya turo mishi Alex. Har cikin ɗakin nasu Alex ɗin ya zo, saman sofa ya ce mishi ya zauna, ita kuma Naurat tana zaune saman bed nasu, Rimsha ta tada kai da cinyarta tana mai jin tsantar farinciki. A saman bedside drawer shi kuma Lion ɗin ya zauna.

❤️PRINCESS TEEMA💋......✍️

A nutse ya fara magana cikin harshen turanci, a in da ya gayawa Brr Na'urat cewa Alex fa yaronta ne ba ɗan yayanta TRUMP ba, zaro idanu ta yi tana mai gaya mishi ai ita yaron da ta haifa ya mutu, girgiza mata kai ya yi yana faɗin. "A binciken da nayi bai mutu ba, karya suka yi miki da ya mutu dan ma kada watara ya zo kawo miki abinci ki gaya mishi kece mamansa kuma ya musulta, shi ne yasa suka ce miki ya mutu, amma Alex ɗan ki ne, shi ne wanda kika baro Nigeria ba tare da kin san kina da cikinsa ba, sai da kika dawo nan da watanni kika san da hakan, so ba Abdul Malik ba ne autanki, Alex ne!." Babbar magana, zancen Lion gaskiya ne, bayan Naurat ta haifi cikin da daddyn Rimsha ya barota da shi, wato cikin daddyn Jelly, yana da shekara ɗaya da rabi a duniya sun sake samun kyakkyawar alaƙa da Dr Salman, da alama a lokacin asirin da amarya ta yi mishi ne ya karye, sun kowa kamar da, suna soyayya tare da kula da yaransu, suna kuma neman daddyn Rimsha, a lokacin shi kuma daddyn Rimshan yana Niger tare da abokinsa. Bayan wata uku da samun jituwar tasu suka sake komawa gidan jiya, faɗa kullum kullum, a lokacin ne kuma amarya ta karo sabon walaƙanci a in da ta mayar da Naurat ɗin ƴar aikinta, ganin ba zata iya jurewa ba ne yasa ta kira yayanta TRUMP a waya wato wanda aka ce shi ne mahaifin Alex yanzu, shi ne suka zo suka ɗauketa ta baro daddyn Jelly a hannun su Abba yana yaro, bai gama cika 2 years ba lokacin, sam bata san da shigar cikin Alex ɗin ba a lokacin, dan lokacin cikin bai kai ko wata ɗaya ba.

Sai bayan ta koma Russia ne da ƴan watannin da ba su yi biyu ba, nan ta fahimci ciki ne da ita, a lokacin kuma tana shan azaba wajen ƴan uwanta, wanda hakan ya zama tana danasanin biyosu, dan fa mugaye ne kuma mafaɗata ne na karshe, basu da sauki ko kaɗan ga zafin ran bala'i, ta ce gara mata gidan Dr Salman sau dubu a kan abin da ƴan uwanta suke yi mata dan taki yin ridda. A takaice dai haka ta yi rayuwa cikin kunci har cikin Alex ya girma, lokacin da take nakuda ba wanda ya kulata a cikinsu sai matar kaninta ɗaya, ita ta taimaka mata har ta haihu, bayan ta aihu ne kuma suka zo suka ɗauki yaron, after some minutes suka dawo suka ce mata ai ya mutu saboda bata je asibiti ba, alhalin karya suke yi mata, basu so ne ta koyawa yaron addinin musulunci. Haka suka reni Alex cikin so da kauna a in da da ya taso suka ce mishi ai yayan Naurat ɗin shi ne babansa, shi kuma ya tafi a hakan, basu barin shi yana kai mata abinci, kowa zai kai mata abinci a gidan amma banda shi, dan sun san uwa da ɗa ba wasa ba, wani lokaci ma dan walaƙanci barinta suke yi ta kwana da yunwa sai su ce sun manta ne da ita yasa basu kai mata abinci ba, izaya kala kala suka rinƙa yi wa ƴar tahaliƙan nan, sai dai Allah ya saka mata kawai.

Daga ita har Alex ɗin sun rasa bakin magana, Allah sarki yana ɗaya daga cikin dalilin da yasa ma Alex ɗin ya kasa gayawa bodyguards ɗin sacesu su Lion za su yi, uwa ba wasa ba, yau Allah ya ƙaddara ne zai gane ba Trump ba ne babansa. Sosai ya rinƙa kuka da hawayensa, sai tunanin irin izayar da suka rinƙa yi mata ya fara yi, ya ma kasa ɗaga idanu ya kalleta tsabar shiga tashin hankali da damuwa ga kuma murna a gefe. Kifa kansa kawai ya yi da jikin sofa yana kuka. Ita ma Na'urat ɗin kuka take yi sosai, ƴan uwanta sun cutar da ita sosai, yanzu ace ɗanta na cikinta ne ya taso a krista tsawon shekaru? Bai san komai ba dan gane da addinin babansa, wannan abin ya yi mugun yi mata zafi. Amma fa kuma abin mamaki shi ne, Alex ya fita daban a cikin ƴaƴan TRUMP ɗin, shi ne yasa ma wani lokaci yake jin kamar ba su ne iyayensa ba, na farko yana da kirki sosai shi, jinin Hausa Fulani Bauchi state kenan, wato Dr Salman, yana da son mutane da saukin kai, yana da fara'a tamkar Dr Salman, wani lokaci idan aka taɓo shi yana da zafin rai, sak da ainahin babansa, so abin yana bawa su ƴaƴan TRUMP ɗin ma mamaki, sai dai duk cikin ƴaƴan Brr ɗin babu wanda ya kai Alex ɗin fitowa sak Turawa babu mix, sak kakansu GENERAL TRUMP wato mahaifin Naurat kenan.

Shi dai Lion ya yi shiru yana kallon yanda suke ta shan kuka dukkansu, ita ma Rimsha ta yi hawaye sosai na jin wannan labari nasu mai taɓa zuciya, mutun mahaifiyarsa tana raye amma dan bakin zalinci an hana ta bashi nono? Aka rinƙa ɗirkawa bawan Allah madara, Allah sarki, wlh zalinci bai yi ba, duk abinsu dai yau ga shi ya haɗu da mahaifiyar tasa, kuma da izinin Allah sai ya musulunta, bakinciki ya kashesu.

Sun sha kuka kamar ba gobe, shi dai Lion bai iya ce da su komai ba, bai ma san me zai ce musu ba, haka ya zuba musu idanu suka yi kukan har ya ishe su. Sannan Alex ɗin ya mike ya dawo kusa Brr.

Mikewa Rimsha ta yi daga saman cinyar tata ta bashi waje. Yana zuwa ya rungumeta yana jin tamkar ya koma ya kashe uncles nan nasa bakiɗaya na irin izayar da suka yi mata, zuciyarsa sai tafasa yake yi tamkar zata fashe. Rungume shi Brr Naurat ɗin ta yi tana rarrashinsa har sai da ya yi shiru. Miƙewa Lion ya yi tare da riko hannun Rimsha suka bar musu ɗakin zuwa na kusa da su, dan su basu dama su tattauna. Shi ma Lion ɗin yana son ya yi sallar azahar dan lokaci ta yi.

Rimsha tamkar zata yi kuka haka ta biyo shi, sam bata son rabuwa da kakanta, amma ba yanda ta iya. Suna shiga cikin bedroom ɗin ya saki hannunta tare da nufar toilet. Zama ta yi a saman bakin bed ɗin tana jiran shi ya fito. Wanka ya yi tare da ɗauro alwala ya fito. Ganin face nata a ɗaure tamau ne yasa ya ce lafiya take wannan ɗaure fuska, turo baki ta yi tana faɗa mishi ita wajen kakanta take son zuwa, da hannu ya nuna mata hanyar tafiya. Da sauri ta miƙe ta fita, har ta kusa kifawa saboda sauri. Shi kam ko a jikinsa, dadduma kawai ya ɗauko tare da shumfuɗawa dan ya gabatar da sallah.

Tana zuwa ta sami sun gama shan kukan suna tattaunawa, hayewa saman bed ɗin ta yi tare da komawa ta kwanta saman cinyar Brr. Kallonta Alex ɗin ya yi yana tambayar Brr wace ce ita. A takaice ta bashi labarin su daddyn Rimshan wato ƴan uwansa. Sosai ya ji tsananin kaunarsu a ransa. Shafa kumatun Rimshar ya yi yana mai jin kaunarta ita ma, ƴar autar family'n Dr Salman kenan. Duk familyn Dr ita ce karama, ita ce autarsu, daga ita sai Zaira kanwar Anaya, sannan Jehan da Anaya wanda su shekarunsu ɗaya, ratar ƴan watanni ne kawai.

Shi kuwa Mark yana can yana hira da Anaya a waya, a in da yake gaya mata nan da kwana huɗu zasu dawo dan tafiyar tasu ta canza salo. Sai murna take yi ya ce zai zo gidansu. Shi Mark sam bai san cewa ba za'a bashi auren Anaya ba har sai ya musulunta, ya ɗauka za'a iya bashi ita a haka, shiyasa ma har da ce mata zai zo yaga daddynta........ E lallai akwai chakwakiya.

After some hours. Da misalin karfe 8 na dare, bayan sun yi sallar isha kenan, gabaɗaya kewar mijin nata ya isheta, ga shi tana kunyar barin Brr Naurat ta je wajen shi, shi kuma sam yaki zuwa in da suke, ya kule a cikin bedroom nasa yana aikin latsa laptop nasa, Brady na kwance kusa da shi. Brady na Mark, kwana biyun nan duk a wajen Mark yake kwana, sam yanzu ya rage zuwa wajen Lion ɗin, sai jefi jefi, Mark ya saye shi ta hanyar kunna mishi kallo a waya da sauransu, shi ne ya saye zuciyarsa.

Alex yana tare da Mark a waje suna hirar yanda Mark ya yi rayuwa da kuma mutuwar iyayensa wato causing ɗin Alex ɗin kenan, Mark zai kira Alex uncle dan causin ɗin daddynsa ne.

Cikin harshen turanci Brr Naurat take ta tambayar Rimsha labarin daddynta da sauransu. Sai hira Rimahar take zuba mata na mutanen Nigeria, amma fa hankalinta na wajen tunanin mijinta, duk ta damu, tun da rana bata sake saka shi a idanunta ba.

Sarai Naurat ta lura da tana cikin damuwa, hakan yasa ta yi ƙoƙarin tambayarta me yake damunta. Babu komai ta ce mata, a haka har Mark ya kawo musu abinci. Kin cin abincin ta yi dan tana tunanin zata je su ci da mijinta. Muryar Brr ɗin ce ta katse mata tunani da cewa "Wanene wannan da ya ɗauko ni ɗin?." Shiru ta yi ta rasa me zata ce, ta ce mata mijinta ne ko ta ce mata me?.

Ganin ta yi shiru ne yasa ta ce "Kunyata kike ji ne?." Girgiza kai ta yi alamar a'a. Murmushin Brr ta saki har sai da dimple nata irin na ƴaƴanta Nawazudden da Azharuddeen ya bayana, dama a wajenta su daddyn Rimsha suka ɗauko dimple da gaf teeth. "Rimsha kunyata mana kike ji, ai na san ku mutanen Nigeria sai ku rinƙa cewa wai kuna jin kunyar abu, haka kakanki Dr yake yi wani lokaci, to amma idan har kina jin kunyata haka a kansa, hakan na nufin kuna da wata alaƙa da kusa kenan?."

Shiru ta yi tana murmushi tare da sanya hannu ta rufe fuska. "Rimsha kada ki ce mini aure Nawazudden ya yi miki? A ƴar yarinyar kin nan? Duk da a family'n Dr nasan suna aurar da yara 12 to 13 years ma, amma ai su a kauye suke, ba su ma yi karatu ba, shi kuma Nawazudden me ya haɗa shi da irin wannan al'adar ta kakanin nasa? Ai kinyi yarinya da yawa."

Ita dai bata ce komai ba bayan wannan rufe fuska da ta yi. "Amma kuma gaskiya na yi miki murna na samun miji irin wannan bawan Allah, yana da kirki sosai." (Ni kuwa na ce ke dai kin yi sa'a da kika ga fuskar kirkin nasa, dan haka ki yi fata kada ki haɗu da ainahin true colornsa, idan kika kuskura kika yi ido huɗu da ainahinsa, daga ranar ba zaki ma sake yin maganarsa ba, saboda haushi da zai baki, ya kuma birkita miki tunani.)

"To amma Rimsha shi ne kika zauna a nan baki je wajen shi ba?." Tana magana tana cin abincin cikin natsuwa. Baki ɗauke da excuse Alex ya shigo cikin ɗakin. Jin abin da Brr ta ce ne yasa ya ce "Mum a kan me kuke magana ne?." Cikin nuna ko in kula ta bashi labari. Zaro idanu ya yi yana mamakin ƴar Rimshan nan ne aka yi wa aure? Kare mata kallo ya fara yi daga sama har kasa, shi dai bai ga abin da za'a aurar ba, kuma aure ma ga namiji kamar Lion? Wannan ai sai ya kasheta kawai a karon farko, sake baki ya yi yana jinjina al'amarin. Bai san cewa sune suke rena Rimsha ba, suna yi mata kallon yarinya, to su biyota ɗaki suga yanda take sanya Lion ɗin sambatu da kuma sauka daga layi, yo ai kamar yanda namiji baya kaɗan haka ita ma mace bata kaɗan, in dai ta wuce 13 years kuma ta samu tarbiya ai shikenan an gama.

Katse mishi tunani Brr ta yi da cewa ya zo su ci abinci, ita kuma Rimsha ta tashi ta wuce wajen mijin nata. Jiki ba kwari ta miƙe ta fita tana yi musu sai da safe. Shi kuma Alex kusa da mum ɗin tasa ya zo ya zauna saman ɗaya daga cikin kujerun table ɗin. Cikin tsantsar soyayya irin ta uwa da ɗa suka fara cin abincin a tare.

Ita kuma Rimsha baki ɗauke da sallama ta shigo cikin ɗakin nasu. Tamkar babu shi a cikin ɗakin, ko kallon in da take bai yi ba, kamar ma bai san da shigowarta ba.

Toilet ta wuce sai wani ɗari ɗari take yi. A gurguje ta yi wanka tare da fitowa, ta yi mamakin ganin trolleys nasu a cikin bedroom ɗin, bata san cewa shi ya ɗaukosu tun da rana ba, tana can tana surutu da kakanta.

Cikin wasu shegun kayan barci ta shirya, masu matuƙar ɗaukar hankalin, riga ce zuwa iya dai'dai santala santalan cinyoyinta, daga ta saman rigar hannun vest ce gareta, gabaɗaya tudun tula tulanta a waje, bugu da kari rigar ƴar shara shara ce bata da kauri, ainahin zanen shatin tula tulan nata ma a waje, har kan nipples nata shatinsa ya bayyana. Sake gashin kanta ta yi har baya tare da zuba perfume nasa a jikinta.

Sai wani irin sheki santala santalan cinyoyinta suke yi, ta shafesu da Lotion nasa, ita kanta sai sheki take yi. Shi kuwa hankalinsa yana kan laptop nasa, da alama dai wani aiki mai muhimmanci yake yi.

Saman table ta nufa, dan already shi ya ci abincinsa. Zama ta yi tare da zuba abincin ɗan kaɗan. A nutse ta fara ci tana satar kallonsa. Shi ma kayan barci ne launin white color a jikinsa, ya yi matuƙar kyau over, ya saki dark black curly hairnsa, sai ɗan ciza laɓɓansa yake yi a hankali, da alama aikin yana ɗan bashi wahala. Gabar rigar barcin nasa a buɗe ne mai wuyar V, faffaɗar kirjinsa a waje, wannan kyakkyawa kuma kwantatcen bakin gashi nan na kirjin nasa a kwance luf yana wani sheƙi.

Jin azababben kamshin perfume ɗin ya kai mishi karo a hancinsa ne yasa ya ɗan ɗago idanunsa izuwa kanta, dai'dai lokacin ita ma ta ɗago dan ta saci kallon shi. Karaf suka haɗa idanu. Kasa ta yi da nata tana ɗan murmushi, shi kuwa zuba mata idanu ya yi yana kallon ikon Allah, wani irin azababben kyau na wuce misali ta yi.

Duk sai ta ji ta tsargu saboda kallonta da yake yi, wani irin kunya ce ta ji ta lulluɓeta, ƴan kame kame ta fara yi tana wani yin abu kamar mara gaskiya, dama kun san idan mutun ya tsareka da ido yana kallonka, duk sai ka tsargu, to ita ma haka ce.

Kasa cigaba da cin abincin ta yi a in da ta miƙe kawai ta nufe shi tana wani sunnar da kai kasa tare da ɓoye fuska na rashin kunya. Time da zata sanya kayan bata yi tunanin cewa zata ji kunya idan ya gani ba, sai yanzu ne take wani sunnar da kai na rashin kunya.

Tana zuwa ta faɗa saman faffaɗar kirjinsa tana cigana da ɓoye fuska. Haushi Brady ya fara daka mata na a kan me zata kwanta mishi a jikin Lion ɗinsa. Tamkar bata ji yanayi ba, sai ma kara saƙalo wuyarsa da ta yi tana wani ɗan turo baki tare da yi mishi yauki da yanga.

Cikin dabara ya kawar da laptop ɗin daga gabansa zuwa saman bedside drawer, hannu bibbiyu yasa ya rungumota da kyau yana sauke nauyayyar ajiyar zuciya. Ba karya ya yi kewarta sosai, kawai wannan aikin ne ta sha kansa da ta sanya bai je ya ɗaukota ba, ita ma ta yi kewar shi sosai, dan haka yana rungumeta ta sauke nauyayyar ajiyar zuciya.

"Noori Allah nayi kewarka sosai yau." Ta yi maganar tamkar zata saka mishi kuka. Ɗan ɗago haɓarta ya yi suna fuskantar juna. "To ba gani yanzu kin zo gare ni ba?." Jinjina mishi kai ta yi tana mai kara rungumo shi sosai. Haɗe fuskokinsu waje guda ya yi yana kara kare mata kallo. "Noori meyasa kake yawan son kallona?." Ta tambaye shi a shagwaɓe. Dirowa kasa Brady ya yi ya wuce zuwa wajen Mark abinsa, dan ya lura Lion fa ba tashi yake yi ba.

Ya ɗan ɗauki lokaci kafin ya bata amsa da cewa "Because you are mine." Zaro idanu waje ta yi, bata taɓa tunanin zai ce ita mallakinsa ba ne, kai Lion da abin mamaki yake, baka taɓa game mishi, idan ya yi wani abin sai kaga kamar ba shi ba.

Ganin ta zaro idanu ne yasa ya ɗaura lips nasa a saman tata tare da fara kissing nata a nutse. Tamkar jira take yi ita ma ta fara mayar mishi da martani. Kankame juna sosai suka yi.