da kunya ace account na Bilyn Abdull a Instagram da TikTok iya kar fallowers ɗin kenan🥲😣. Ina masoyan facebook ɗin nan dana WhatsApp, Please a fito mana ai fallowing ɗina. Accounts ne na Bussines ko bazaki/zaka saya ba zakaga abinda ya burgeka ko kalarka ka nema a inda kake. Maza ku garzayo BILYN ABDULL ONLINE SHOPPING kodan kashe kwarkwatar idanunku ku more kallo iya kallonku da kaya ƴan yayi cikin farashi mai sauƙi da rahusa. Muna bada sari, muna adashen gata, muna sai da ɗai-ɗai. Ka gani su burgeka, ka saka ka birge mai kallonka sai Bilyn Abdull online shopping. Bari muga akwai ƙaunar kodai-kodai....😉🫣. Ga link nan naga accounts ɗin nan biyu kamar zasu fashe da fallowers 😘😘😘😍😍👍🏻👇🏻_*.

*_BILYN-ABDULL ONLINE SHOPPING_* _Duniyar cancaɗa ado da kwalliyar birgewa. Kar ku bari ayi babu ku😘😘😘._

*_My account on TikTok_*
https://www.tiktok.com/@bilynabdull?_t=8mfvWuXADVF&_r=1

*_Instagram_*

I'm on Instagram as @balkissaibrahimmusa. Install the app to follow my photos and videos. https://www.instagram.com/invites/contact/?i=fc2g6shv1k6u&utm_content=p17zzzv

_Ina masu son zuwa ganin likita ko yawon buɗe ido ƙasar Egypt?. To ku garzayo munada hanya mai sauƙi ta sama muku sauƙin tafiya cikin ƙa'ida da bin dokar ƙasa. Katafi anan cikin aminci, ka dawo kuma cikin aminci. Wajen kwananka a can zamu tanada, asibitin da zakaga likita duk zamu tsaya maka da tsayawar UBANGIJI. Hakama yawon hutawa zamu zame maka jagora. Kai ko hanyar zuwa domin sayo kaya duk muna da ita. Kai dai kawai kazo garemu kaga aiki da cikawa da iznin ALLAH. 09032345899. A nememu tanan ga masu buƙata, dan ALLAH serious bama son latsi ko wasa dan ba wasan muka fito ba 😂😍👍🏻._


.......“Tabbas ke kuwa. Da aka faɗa miki Ubanki ya mutu ƙarya akai miki, yana raye yana prison an yanke masa ɗaurin rai-da-rai a lokacin, ita a azaton Lawisa ya tafi kenan, tana son kumaa binne ainahinta ga wanda take tare dasu wato jama'ar wannan gida dake kanki ƴar tata shine tace ya mutu. Sai kuma ga oganta prof yaje ya cirosa a prison ɗin bayan wasu shekaru. A lokacin kuma tana auren ɗansa. Lawisa ta shiga ruɗani da ganin Laminu, yayinda shima hankalinsa ya tashi amma ya dake, sai da suka bar gaban prof ya buɗe mata aiki. Sunci uwar rikici sosai, daga ƙarshe ya barta ta cigaba da rayuwa a wannan gida amma tana bashi wata Share. Da kuma sharaɗin idan an samu abinda suke ma dakon wahalar nan ma zata raba abinda ta samu kaso uku ta bashi ɗaya. Duk dan ya rufa mata asiri ta amince. Sai dai har kawo yau shi Prof fa bai san da wannan alaƙa ba sam. Dan haka suka koma ta bayan fage suna cimasa dun-duniya.”
Ai prof baima san sanda ya tafi zai kife ba a karo na biyu Isma'il Kuku ya taresa. Muryarsa na rawa ya nuna Hajiya ƙarama da faɗin, “Lawisa, dama duk zaman da nake da ku ke da Commando kun san juna? Ashe ma Ni dukan jaki kawai nake nabar taiki a kusa da ni. Na gode ALLAH da yasa nayi maganinki a gaɓar da ya dace”. Harara Hajiya Ƙarama da jikinta ya gama sanyi ta zuba masa itama muryar tata na ɗan karkarwa ta ce, “Daga baya kenan. Ji da abinda ke gabanka. Magani kuwa idan ma baka sani ba nine nayi naka”.
“Mi kike nufi?”.
“Abinda kake nufi”.
Dariya Baba prof yay yana wani ɗan buga kansa ya ce, “Abinda ni nake nufi bazai taɓa miki daɗin ji ba wawuya. Ina fatan baki manta lemon da kika sha ba a jiya cikin mota ta kafin mu wuce wajen ɗan iskan mijin naki. To lemo ne mai ɗauke da gubar da zata dinga zagwanye jikinki a hankali bayan ya ruɓar da ke. Ai dama na faɗa kiki sai na kawar da ke, dan ba'a cin amanata a kwana lafiya, yanzu kin yarda ko hhhhh?”.
Rawa jikin ta yake har sai da ta kai ƙasa. Sai kuma ta ƙyalkyale da dariya tana nuna shi da faɗin, “Tsohon banza ai TSUTSAR NAMA ITAMA NAMA CE. Naji ka bani lemo mai guba, nima kuma nasa an maka allura mai guba daka biya da hannunka zakaima Awwab. Kaga idan jikina ya zagwanye kaima naka zai kasance a kandare kar ka zagwanye ɗin wawan tsoho kawai. Ni da kai ai CUTA CE TA ƊAU CUTA ƁARAWO YA SACI AKWATIN MACIJI hhhhhhh”.
Nan ma murmushi Maash yayi da katsesu ta hanyar faɗin, “Har yanzu dai ai ba'a gamaba, lokacin rikicin naku da aibanta juna baiyi ba. Kalla nan”. Ya ɗauki remote ya kunna television. Tar tar kuwa hoton Commondo ya fito, hannunsa sanye da Handcuff, gefensa Jannifer ce itama sanye da Handcuff ɗin. A gabansu akwai kayayyaki iri-iri na makamai da wasu kwaleye dake a rufe. Sai yara ƴammata a gefe zaune kawunansu a ƙasa an basu facemask sun saka. Sai ta gefensu kaɗan Marcel ne shima da nashi yaran gabansu zube da tarin makamai. Sai kuma yaran Hajiya ƙarama na asibiti. Ga su Rubayya a kusa da su ita da su Falila.
Ba baba prof kawai ba, hatta da Hajiya ƙarama a firguce take gaba ɗaya. Ga Arwa tunda ta zube ƙasa ta kafa mata ido taƙi ta janye hannunta dafe da ƙirjinta. Sai da Commondo ya fara magana da jin ya ambaci sunansa da Commondo sanan Arwa ta juya tana kallonsa jikinta na rawa da lips ɗinta, alamar magana take son tayi amma ta kasa. Kan Commondo ƙasa aka fara masa tambayoyi yana amsawa.
“Minene sunanka”?.
“Laminu, amma anfi sanina da Commondo yanzu”.
“Miye sana'ar ka?”.
“Dabaru ne kawai”.
“Kamar wane iri?”.
“Akan sakani aiki kamar su kisa, fyaɗe, sai saida kayan maye da sauransu.”
“Shekara nawa ka ɗauka kana wannan aikin?”.
“A ƙalla ashirin da uku”.
“Kana da uban gida ne?”.
Ɗan jimm yay shiru kamar bazai amsa ba. Jikin prof nata rawa kamar idanunsa zasu faɗo cikin tvn. Sai da aka sake maimaitawa Commondo maganar sannan ya amsa da, “Eh inada uban gida”. Sai kuma yay murmushi
“Shike sakaka duk waɗan nan abubuwan kenan?”.
“Eh kusan hakan, wasu lokutan kuma aikina ne koma abokan huɗɗarsa”.
“Minene sana'asa?”.
“Sana'arsa kam bata da iyaka. Amma dai babban mutum ne a ƙasar nan mai faɗa aji. Yana safarar miyagun ƙwayoyi, yana safarar mata zuwa wasu ƙasashe. Yana kuma shigo da makamai. Yanada kamfanin sarrafa magungunan bogi. Sannan yana da alaƙa da manyan mutane da yawa da in na kira sunansu sai an razana. Kaɗan daga sana'oinsa na ɓoye kenan. Na zahiri kam rataye yake a bayan inuwar matar ɗansa da jikansa da yaci amanar mahaifinta bayan ya masa rana shi kuma yay masa dare. Idan zan buɗe muku aiki akan wannan mutumin zakusha mamaki. Amma kafin na ambaci sunansa zan baku sunayen wasu gurare yanzun nan jami'anku suje su yi binciken wajen in har aikin gaskiya zakuyi akansa awa ɗaya tayi yawa gareku, shiyyasa ma bazan faɗi sunansa ba sai kun gama binciken.”
Cikin jinjina kai jami'in dake masa tambayiyin ya miƙe, inda ogansu yake yaje, suka ɗan yi magana ya sake dawowa. Takarda da pen aka bama Commondo, sai dai ya nuna musu bai iya rubutu ba. Dole jami'in ya bashi kunne ya gwargwaɗa masa abinda suke son ji.
Murmushi Maash ya saki tare da ciro wayarsa a aljihu yay ƴan danne-danne yana kai hannu ya gyara bluetooth ɗin kunnensa alamar waya ya kira. Ana ɗagawa daga can kai tsaye ya furta, “Lokacinka”. Daga haka ya yanke...

Zubewa kawai Baba prof yay a jikin kujera wata irin zufa na jiƙesa a dukkan illahirin jikinsa. Kamar yanda Commondo kuwa ya ambata in dai aikin zasuyi sai gashi basu wuce mintuna talatin ba kasancewar duk inda ya basu direct address ne ana zuwa ake ganin abinda ya faɗa ɗin. Na farko companyn Baba prof da Abie ya bashi, zuwa yanzu ya jima da faɗaɗashi sosai ana sarrafa magunguna, sai dai acan ƙarƙashin ƙasa ƙwayoyin mayene kawai iri-iri masu hatsarin gaske. Sai expire magunguna da ake loda ana kaisu arewa da drips, wasu ma ba expire ɗin bane basu da inganci sam. A wajen aka samo cocaine da yawa. Waje na biyu gida ne na marayu da kowa yasan Baba prof ɗin na ɗaya daga cikin masu bada gudumawa a cikinsa ashe yara ne ake safara zuwa ƙasashen waje. Wasu kuma anan ma cikin ƙasar ake kaisu wajen manya suna lalata musu rayuwa. Da yawan yaran da aka bincika akwai alamar daga arewacin ƙasar suke, ƙalilanne yaran kudanci. A dai cikin gidan marayun aka fitar da tarin makamai dake ajiye a cikin wani ɗaki.
Hankalin mutane yay matuƙar ɗagawa sosai. Wannan wace irin masiface. Zuwa yanzu kafin ma aji ta bakin Commondo da yawan mutane sun gane prof ɗinne, kasancewar duk wajajen da akaje ɗin yanada muhimmiyar alaƙa da su ta bayyane. Kafin su dawo itama Madam Jannifer aka mata nata tambayoyin, ita kam babu kwana-kwana ta kwashe duk laifinta ta ɗora akan Hajiya Ƙarama da Baba prof ɗin. Ashe itama tana kawo masa mata daga arewacin, ita kuma Hajiya ƙarama ƙoda take sayar mata. Ta kuma tabbatar da Marcel uban gidanta ne ada, yanzu kam Bancy ne. An je binciken ina Bancy yake amma ya gudu. Sai yaran asibitin Hajiya ƙarama da suma suka buɗe aiki da tabbatar da cirar ƙoda da wasu sassan jikin mutane idan sun mutu, wasu turawa ke zuwa su saya. Sai su Falila da suka kasance yaranta. Itace ta kaisu Maash Mansion da sunan aikatau amma aiki suke mata. Ko mazajen da suka aura a gidan duk auren na bogi ne suma yaranta ne. Hasalima mijin Falila so yay ya bijire mata shine ta haɗa tarkon kasheshi a randa sukai kidnapping Paah. Ta sha sakasu abubuwa a gidan musamman ɗaure mahaifiyar Maash dake fama da rashin lafiya da sarƙa a toilet. Sai ta dai-daici zai dawo gida sai ta saka su kwanceta. Sukace ɗauri na ƙarshe da asirinta yaso tonuwa shine sanda matar Maash ɗin ta fara shiga sashen ta sameta a ɗaure har sarƙar taci jikinta. Shigar bazata tayi shiyyasa basu sani ba har sai da abin ya faru, a lokacin sunsha maruka a wajen Hajiya ƙaramar, ta kuma tabbatar musu idan bakinsu ya buɗe wlhy sai ta kashesu.
Bayan dawowar jami'an da sukaje binciken sirrikan Baba prof aka buƙaci Commondo ko zai sake cewa wani abu. Murmushi yayi da jinjina kai, ya ce, “Kusan duk abin faɗa ya ƙare, sai dai ga saƙo zan bama professor Adams Isa K/Mashi, akwai wani ajiyayyen sirrinsa a hannuna da shine makasudin fara aiki na a ƙarƙashinsa. A lokacin da nazo Lagos ta sanadin aurena da matata Lawisa da iyaye suka haɗamu acan ƙauye mu. Abinda kowa bai sani ba mijin babarta ya haɗamu aure ne domin na binciko masa wani mutumi dake a jikin wani hoto. Wannan mutumi shine yay cikin Lawisa. Yaje ƙauyenmu ne yin aikin noman wiwi da ake masa a ɓoye. Ita kuma babar lawisa na kai musu tallan ƴar tsala a gonar, shine yay amfani da damar ya dinga amfani da ita har yay mata ciki. Lokacin daya gama harkar nomansa yabar gari ciki bai bayyana ba, sai bayan kusan wata biyu da hakan aka gane tana da cikin, maimakon ai bincike sai aka laƙama ƙanin babata dake matsayin saurayinta, shine aka sakashi dole ya aureta bayan an haifi Lawisa. Shi harga ALLAH yana sonta, amma yayi alƙawarin sai ya binciko wanda yay wannan aika-aika dan ya wanke kansa, wannan shine dalilinsa na sakani aurenta bayan ya samu tabbacin baban nata na anan Lagos ya zama babban mutum, kai tsaye ma ya bani inda zan sameta saboda akwai cikin ƴan garin namu da shi mutumin ya taho dasu nan birni suna masa aiki shine ma ya sanar da mijin babar ita lawisa ainahin gaskiyar yanda aka samu ciki. Sai dai yana jin tsoron bayyanawa ya saka kansa a damuwa dan ya tabbatar ubantan hatsabibine. Bari dai kada na kaiku da nisa. Da taimakon ɗan garin namu nazo jikin Prof.. ɗin, na kuma tabbatar da lallai shine na jikin hoton nan, a kuma cikin hikima na dinga bin hanyoyin dana tabbatar da shi ɗinne ubanta bayan ya fiddoni a prison saboda yana son na kashe masa wani babban ɗan siyasa a lokacin. Dan haka Lawisa ɗiyar Professor Adams Isa K/mashi ce. Idan kuma ya musa hakan inada cikakkun hujjoji bila adadin dazan iya kawowa akan hakan musamman daya kasance uwarta na raye wadda sukai abin tare, wanda akai komai a gabansu suma wasunsu suna raye. Hotonsa ma da aka samu bai san ita uwar lawisa ta ɗauka a cikin kayansa ba dan ita sonshi take a lokacin na gaskiya ta kuma zata shima son nata yake kamar yanda yake mata daɗin baki zai aureta. Sannan itama bata san mijinta ƙanin babata ya ɗauki hoton ba ya bani. Wannan shine saƙona. Sauran kuma tsakanin ni da shine idan mun haɗu a jail.......✍️


🤔Bantan uban can kai. Kenan auren Hajiya ƙarama da Paah a wace matsaya yake? ALLAH ka rabamu da ruɗaɗɗiyar rayuwa🥲.


_Masoya ina ƙara gaya muku kada ku bari ayi tafiyar ZAFAFA BIYAR ta 2024 babu ku. Dan wannan karon komai fa na musamman ne. Sabuwar Shekara, sabon zubi da babu irinsa._


_GUDA DAYA:400_
_BIYU:700_
_UKU:900_
_HUDU: 1200_

_BANK NAME:KEYSTONE_

_BANK ACC NO:6019473875_

_ACC NAME:MUSAA ABDULLAH SAFIYAH_

_ATURA SHEDA ZUWA;09166221261_

__
_IDAN KATI NE KUMA MTN/VTU A BIYA DA TURA SHEDA ZUWA GA:09134848107_

_*Al'ummar NIJER kuma ku nemi wannan number don yin naku payment din*_

*09033181070*

*_karki bari ayi tafiyar ZAFAFA BIYAR BABU KE!!!_*


_MARABA DA LALE GA MASOYAN ZAFAFA BIYAR💖💯💖ALLAH YA KARA ARZIKI... ZAFAFA BIYAR NAKU NE💃_




*_ALLAH ka gafartama iyayenmu 😭🙏_*

*_Typing📲_*








*_🐛TSUTSAR NAMA....!!🐛_*
_(Itama nama ce)_




_𝑩𝒊𝒍𝒚𝒏 𝑨𝒃𝒅𝒖𝒍𝒍 𝒄𝒆🤙🏻_



_𝑩𝒐𝒐𝒌 𝒕𝒉𝒓𝒆𝒆_
_𝑷𝒂𝒈𝒆 𝒏𝒊𝒏𝒆𝒕𝒚-𝒕𝒘𝒐_


......A yanzu kam kaf ɗinmu a cikin falon nan sai da muka miƙe tsaye. Mafi yawanmu jikinmu rawa yake yi. A kaf abubuwan nan saboda mu dai mun san wasu a cikinsu babu abinda yafi girgiza mana zukata irin wannan kalma ta ƙarshe daga Commondo. Hajiya ƙarama ɗiyar Baba prof ce. Innalillahi wa-inna ilaihiraji'un. Wata gigitacciyar ƙara kawai mukaji Hajiya ƙarama ta saki tana mai zubewa a wajen wanwar. Hakama Baba prof kifowa yay ƙasa daga kujera. Yayinda shima Paah ya zube a wajen sumamme. Hajiya Mammah ta daddage ta banƙara ihu da ambaton “Mun shiga uku baba! Ƴarka kuma???”. Hajiya Mama (Mashi'a) itama dai taga-taga tai zata zuben ta dai samu ya dafe kujera hawaye tuni sun wanke mata fuska. Uncle Abdullahi ne kawai ke tsaye ƙyam akan ƙafafunsa sai dai shima kansa a ƙasa yake. Da alama kodai kuka yake, ko kuma kan nasa ne ke juya masa. Fahad kam jikin Ummie ya shige yana wani bala'in waro idanu waje bakinsa a hangame kamar wanda yaga abin tsoro. Itama Ummien suman zaune tayi tana nuna Baba prof da Hajiya ƙarama dake ƙasa wanwar a sume. Yayinda Maash da ni da Hayat su Mama da ma sauran duk wanda ke falon duk mukai sumar tsaye kawai tamkar an dasa mu a wajen tsabar razanin jin wannan batu..

Gaba ɗaya gidan ya gama rincaɓewa. Hayaniyar zuwan jami'an tsaro da ƴan media ya dawo damu hayyacinmu. Burin ƴan jarida kawai su shigo gidan, sai dai jami'an tsaro dake zagaye da mu sun hana hakan. Ga Hajiya ƙarama na aman jini tana nuna Baba prof tana kuka. Shima kallonta yake da duk sauran ƴaƴansa yana kukan, musamman ma Paah da tunda ya yanke jiki ya faɗi shi baima farfaɗo ba. A haka aka fita dasu compaund aka saka cikin ambulance maimakon motar jami'an tsaro dan dukansu likita suke buƙatar gani. Muda aka bari gida zaune kawai muke jugum-jugum babu mai iya cema ɗan uwansa komai. Sai jami'an tsaro daketa faman kai kawo a lungu da saƙo na gidan da sunan bincike. Musamman ma sashen Hajiya ƙarama. Sun samo gwalai-gwalai ɗan kitt guda, sai ruwan allurar poison ɗin nan da taima Baba prof sauran ta ajiye da shirin yina Maash da Ummie. Sai magunguna da alluran data dingama Ummie nau'i daban-daban. Sai tarin wayoyi da take ɓoyewa da numbers ɗin abokan huɗɗarta ke a ciki. Bayan hakan akwai abubuwa da yawa da mu kammu da su kansu jami'an tsaron basu san ma'anarsu ba. Da ga ƙarshe dai aka tattare sauran yaransu dake aiki a gidan maza da suka rage su huɗu aka wuce da su. Maash, Hayatu, Jaga, Uncle Abdullahi suka bi bayansu dan har yanzu ba'a san ina su Hafizzullah suke ba, ana dai kan bincike.
Dole ne a wannan gaɓar Hajiya Mammah, Hajiya Mama su baka matuƙar tausayi, kodan su ɗin mata ne shiyyasa Uncle Abdullahi ya fisu dauriya. Su Azizat kansu kuka suke iya iyawarsu. Dan tunda suke basu taɓa ganin tashin hankali makamancin wannan ba. Ni kaina ban taɓa gani ba. Ummie ce ma ta bani matuƙar mamaki, ko ɗigon hawaye babu a fuskar baiwar ALLAHr nan yanzu. Itace ma ta kamani ta tayar muka nufi sashen mu. Da taimakonta nayi sallar la'asar dan wani irin zazzaɓi mai zafi ne ya gama rufe ni. Mun idar mukaji hayaniya, sai ga Falaq ta shigo da gudu tana kuka. Duk miƙewa mukai kanta, cike da farin ciki. Koda muka fito waje sai muka samu har su Hafizzullah. Ga baƙin Kano da banyi zaton gani ba. Gwaggo Gudidi, Abba, Kawu Musa, Kawu Lurwanu sai Sheikh Muhammad ibn Khalipha Al-Hussain da yay musu jagora. Ashe bawan ALLAH har da shi aka ƙwamushe. Ai bamma san na kwasa zuwa jikin Gwaggo Gudidi ba. Kuka na sakar mata kawai, itama sai ta rungumeni tana sharar hawaye.

Masauki aka fara kaisu dan su watsa ruwa suyi salla.